Juan Bautista Rey Gómez, xa é xogador oficialmente do primeiro equipo. O dianteiro de Vedra pasa das filas do Xuvenil A ao Compos despois dunha tempada entre os dous equipos gañando a confianza dos tres adestradores que pasaron polo clube.
A pasada tempada debutou na Segunda B en Estella. Ante o Izarra, só tivo tres minutos máis o engadido. A segunda oportunidade tívoa na Copa RFEF, xa en San Lázaro, onde demostrou un gran nivel. E esa mesma semana viaxou co equipo a terras viguesas para xogar algo máis de media hora en O Vao, na derrota máis dolorosa en moito tempo, onde viu un cartón amarelo. Pechou a primeira volta con vinte minutos ante a Arandina e na segunda volta só puido gozar de menos de dez minutos ante o Tudelano.
Chega ao primeiro equipo unha das maiores promesas do fútbol de Santiago e que sen dúbida será un bo reforzo de cara á vindeira tempada na Terceira.
Ningún comentario:
Publicar un comentario