Compos e Pontevedra disputaron un xogo cun significado máis alá do fútbol. Unha homenaxe ás figuras de Antonio Bermúdez, xornalista falecido hai algo máis de dous anos ao que se lle dedica este Memorial que xa contou coa súa terceira edición, e ao ex xerente branquiazul Fidalgo, finado o pasado venres e que recibiu un pequeno recordo no tempo de lecer á espera de algo máis especial na previa do partido ante o Barco o vindeiro domingo. Sobre o campo, bo partido dos nosos onde os menos habituais deixaron boas sensacións e un triunfo sobre o cadro granate, que atopou no seu porteiro unha esperanza de ser o terceiro equipo que se leva este trofeo amigable, que finalmente quedou na casa.
Primeiro tempo moi aberto.
Co arrinque do encontro, o Pontevedra buscou facerse co esférico da pelota contra un Compos que saltou ao terreo de xogo con Anxo baixo paus, dous futbolistas das categorías inferiores e Remeseiro en liña atacante. Así, as primeiras ocasións perigosas chegaron sobre a portería branquiazul non se fixeron esperar superando á zaga local sen case problemas durante os vinte primeiros minutos.
Logo duns minutos nos que puido caer o primeiro tanto para os pontevedreses, os nosos deron a volta ao encontro producindo as primeiras boas internadas a base de rápidas contras. Santi, Miki e Remeseiro, que se topou co longueiro. Non foi máis que o principio do que pasou nun segundo tempo onde o Compos dominou de principio a fin.
Control total.
Coa entrada ao terreo de xogo de xogadores coma Brais Abelenda, Alex Ares, Aythami, Samu e Casas, o equipo foi superior a un Pontevedra cheo de futbolistas pouco habituais. Tal foi así que antes de cumprirse os dez minutos logo da reanudación chegou o gol da vitoria compostelanista. Un gran gol cuxa xogada arrincou Aythami cun roubo e rematou Aythami cun caneo que deixou no chan ao porteiro anotando a porta baleira.
Durante o segundo tempo, coa pelota en mans dos nosos, o protagonista principal foi Rubén. O gardameta visitante deixou unha gran actuación evitando a que puido ser unha goleada compostelanista fronte un rival de categoría superior.
Tres futbolistas da base.
No once titular estreouse o central do Zona Vella Pedro Leis, disputando os noventa minutos e deixando moi boas sensacións, e o centrocampista Andrés López. Este segundo, ademais, deixou o seu posto no segundo tempo a Torrente, que entrou no segundo tempo e non parou de traballar en ningún momento, levando algún que outro golpe.
Agora, o equipo xa pensa no partido de liga contra o Barco, un partido no que hai moito en xogo.
ALIÑACIÓN: Anxo; Saro, Piscu, Pedro Leis, Naveira; Ube, Andrés López; Miki, Remeseiro, Josiño; e Santi. Tamén xogaron: Casas, Samu, Abelenda, Torrente, Ares e Aythami.
CARTÓNS: Ningún.
GOLES: 1-0 54' Abelenda.
CAMPO: San Lázaro.
Ningún comentario:
Publicar un comentario