30 de setembro

Rematamos o mes cunha nova vitoria na categoría de bronce. Un bo partido co conxunto branquiazul ante un dos grandes filiais do fútbol español. Dous puntos, que se daban a comezos dá década dos noventa por cada vitoria, para manterse no máis alto da clasificación e achegarse algo máis ao obxectivo final: o ascenso.

30 de setembro de 1990. 

Quinta xornada do campionato regular e o Compos recibía en Santa Isabel ao Real Madrid B. Un gran enfrontamento entre grandes da categoría e que rematou con triunfo dos nosos pola mínima con emoción, de novo, ata o final.

O equipo dirixido por Castro Santos e formado por Docobo, Víctor, Tono, Cea, Cao, Juan, Salvador, Ochoa, Julio, Toñito e Moure, aos que engadir a Caneda e Mella; foi quen de superar ao conxunto branco, dirixido nesta ocasión por García Remón. Un xogo que se definiu por erros, por un só gol da Esedé, obra de Ochoa, no treito final primeiro tempo e que non foi quen de igualar nin remontar o filial madridista.