A Liga chega ao seu fin este domingo nun novo partido vital para conseguir o obxectivo esta tempada. A Copa do Rei está máis en xogo que nunca e o Compos dependerá de si mesmo para, seis anos máis tarde, volver a xogar dita competición. O sexto posto en xogo ante un Real Avilés que chegará a San Lázaro con posibilidades de rematar no posto de promoción de descenso. Unha xornada coa que rematar cun horario unificado con nove partidos en xogo á mesma hora, co descenso, a segunda praza e a Copa do Rei estará en xogo e da que só se libran de xogar o domingo Oviedo e Coruxo, que non se xogan nada.
Nós recibiremos a un Real Avilés que non puntúa fóra do seu campo dende decembro de 2014, cando gañaron en Cantabria ao Tropezón. Xornada 18, penúltima da primeira volta, desta liga e na que o equipo asturiano, nun bo momento, ocupaba o quinto posto da táboa a só dous puntos do cuarto mentres que o Compos era décimo. Unha volta despois, o equipo avilesino sumou só doce puntos máis chegando a este momento con 43 puntos e en horas moi baixas. 12 vitorias, 8 empates e 18 derrotas, 12 delas lonxe do Román Suárez Puerta e 9 seguidas a domicilio. 35 goles a favor, 6 de Cristian García, e 50 en contra.
Os dous equipos loitarán por manterse como están. O Compos ten que gañar ou puntuar e agardar que non o faga a Cultural. De non facelo habería que botar un ollo ao resto dos grupos xa que incluso poderíamos quedar fóra da Copa dependendo do que pase nos outros grupos. Pola súa parte, o Real Avilés podería salvarse cunha derrota. Ten por debaixo ao Atlético Astorga e o Lealtad, equipo que ocupa o posto de promoción de descenso. Un punto separa a cada un na táboa.
Os dous equipos xa se viron as caras no coliseo santiagués en catro ocasións co dúas vitorias locais, un empate, a pasada tempada, e unha derrota fai máis de vinte anos. En canto ao último enfrontamento, na primeira volta en Avilés, a vitoria foi para a Esedé grazas a un único gol de Quim Araújo na segunda metade.
Tendo en conta a pasada xornada de Liga, os dous equipos chegan a este encontro despois de perder os seus respectivos fai sete días. O Compos caeu de forma moi dura ante o filial do Sporting de Xixón. Pola súa parte, o Real Avilés perdeu por 1 gol, de Ito, a 3.
En canto ás baixas, Iñaki Alonso terá a dúbida de Iñaki Alonso mentres que por parte do equipo asturiano parece que chegarían todos en bo estado para loitar pola salvación.
O partido será este domingo ás 17 horas en San Lázaro sen televisión.
Ningún comentario:
Publicar un comentario