O Compos recibirá este sábado ao Tropezón de Tanos, un rival da zona baixa da táboa que loita por saír dos postos de descenso e que chegará a San Lázaro desesperado por sumar os tres puntos. Tres puntos máis que importantes para os dous equipos xa que poden condear ao equipo cántabro ao descenso á Terceira división así como rematar coas esperanzas do Compos de aspirar a un dos postos de ascenso á Segunda división. Un gran encontro entre dous equipos moi diferentes que a pasada tempada remataron en posicións moi similares en postos de salvación da categoría.
O Tropezón viaxa a Santiago ocupando a penúltima praza da categoría, só tendo por debaixo a un Marino de Luanco, xa case descendido. Décimo noveno con 29 puntos, a sete da promoción de descenso e a oito da salvación matemática, os cántabros están a pasar polo peor momento da tempada despois de sumar catro derrotas consecutivas. Só 7 vitorias no seu casilleiro, a derradeira en Langreo, e 8 empates, conseguido o último unha semana antes en Santa Ana ante o Lealtad, ademais de 17 derrotas. En canto aos goles, os homes de Manuel Herrera suman ata o momento 31 goles a favor, só 5 menos que o Compos, pero, por contra, encaixaron 53 encabezando a táboa de máis goleados do grupo I e sendo o terceiro de toda a categoría que máis tantos recibe. A nivel individual, Juan Fresno e Alex destacan como os máximos artilleiros do equipo tras anotar sete goles cada un.
Sen dúbida será una xornada complicada xa que o Compos non sabe o que é gañar ao Tropezón nos tres enfrontamentos ata o momento. Na derradeira visita do equipo cántabro a San Lázaro, o resultado foi un igualado 2-2 con goles de Joselu, por partida dobre, no Compos e Dorronsoro, dianteiro agora nas filas do Rayo Cantabria da Terceira división, e Perujo no equipo visitante. Ademais, nesta mesma tempada ningún dos dous equipos soubo adiantarse nun encontro con máis faltas e interrupcións, algo que se demostra cos nove cartóns amarelos, que fútbol.
En canto á pasada xornada, o Compos asinou unha vitoria importante coa que axustar un pouco máis a parte alta da táboa. Un gol de Portela no tempo engadido bastou para que os homes de Iñaki Alonso puideran voltar de Zamora con tres puntos cos que soñar. Pola súa parte, o Tropezón demostrou que non se lle están a dar ben os equipos galegos esta tempada. De feito, nos sete encontros desta tempada ante equipos galegos só conseguiron 8 puntos nos oito enfrontamentos ata o momento gañando só, nas dúas ocasións ademais, ao filial celtista. Na pasada xornada volveron a caer ante o Coruxo na casa con un contundente 1-3 con gol de Primo para o Tropezón e un 'hat-trick' de Ben Fisk para os vigueses.
En canto ás baixas, Iñaki Alonso poderá contar con todo o equipo a excepción de Cristian Del Toro, último defensa que chegou mancado no mercado de inverno e que aínda non puido estrearse coa elástica branquiazul esta tempada. Manu Rodríguez, Teles, Borja Navarro e Mensha non poderían estar por acumulación de cartóns. Pola súa parte, Primo será baixa no equipo cántabro por acumulación de amonestacións.
Esta podería ser, ademais, a primeira xornada na que os transistores aparezan por San Lázaro. De gañar habería que agardar unha posible caída do Guijuelo ante o Celta B, valería o empate dos salmantinos para ascender ata a quinta praza, así como a derrota do Logroñés no Vao, para achegarnos a dous puntos do equipo rioxano, ou a do Racing de Ferrol ante o Valladolid B para poñernos a tres do equipo ferrolán.
O encontro está fixado para este sábado ás 18 horas en San Lázaro sen televisión.
Ningún comentario:
Publicar un comentario