Podemos manter o soño

O Compos permítese, unha semana máis, soñar coa promoción de ascenso despois dunha nova vitoria na casa ante o Atlético Astorga. Un encontro onde os homes de Iñaki Alonso dominaron sen apenas problemas durante os noventa minutos e con dous goles os tres puntos quedaron de novo na casa. Yacine e Catú fixeron os dous goles. 

O encontro comezou da mellor forma posible. Ao igual que o partido ante o Langreo, o Compos non precisou apenas tempo para poñerse por diante. Algo máis de tres minutos dende o inicio e gol de Yacine. Xogada colectiva que comeza Ramón desde a súa propia portería, o esférico chega a Yacine despois de varios pases e este abre á banda para Lemos. O santiagués pon o esférico ao centro da área e o ex do Sestao gaña a partida a un defensa e bate ao porteiro cun bo testarazo.

Pouco a pouco, o Astorga buscou gañar terreo ao Compos e sacudirse o dominio local. A intensidade baixou notablemente e o xogo pasou tranquilizouse sen apenas perigo en ningunha das dúas porterías co Astorga apenas conseguindo superar á defensa branquiazul, que pareceu non notar a ausencia de Jimmy no lateral. 

Para provocar perigo apenas precisou perigo na primeira metade o equipo de Iñaki. Ante un equipo que deu moitas facilidades en defensa, o segundo gol chegou antes do descanso. Lemos chega pola lateral da área e pon de novo un centro ao corazón da mesma. Un defensa intenta despexar o balón pero aparece Catú para rematar o rexeite facendo o segundo gol do encontro, 

Despois do descanso, co partido case resolto, o Compos apenas tivo que esforzarse para manter ao equipo astorgano lonxe da portería de Ramón. Segunda metade sen apenas emoción e moi poucas ocasións de perigo sobre as dúas porterías. 

Vitoria fácil nunha xornada onde o resto dos encontros do sábado remataron con resultados moi positivos. E agora a pensar no Zamora, onde hai que gañar para seguir pensando en cumprir o obxectivo da afección.

ALIÑACIÓN: Ramón; Catú, Portela, Alcañiz, Josu; Marcos Rodríguez, Manu Rodríguez, Teles; Lemos (Lemos, min. 82), Iván Pérez (Fernán, min. 88) e Yacine (Mensha, min. 76).

CARTÓNS: Amarelos para Josu e Yacine.

GOLES: 1-0 4' Yacine, 2-0 42' Catú.

ESTADIO: San Lázaro.