Joselu comeza ben o ano

O Compos rematou a primeira volta con trunfo nunha dura saída a As Pontes. Partido difícil e que se complicou por momentos pero que sempre estivo baixo o mando dos branquiazuis. Sen embargo, os nosos tiveron que remar a contracorrente cun xogador menos pola expulsión de Adrián e sumar a lesión de Martín, algo que propiciou a estrea de Jordan coa camisola do Compos en partido oficial só oito días máis tarde do seu debut no partido benéfico de San Lázaro, no que sorprendeu a todos.

Dende o principio, o Compos dominou o partido. E tanto Joselu como Martín puideron gozar de moi boas ocasións, e numerosas, para ir por diante xa ao final do primeiro tempo. Diante había un equipo moi ben ordeado pero que en todo o encontro non puido atopar con perigo a portería de Adrián. De feito, en todo o primeiro tempo o gardamallas coruñés da Esedé non tivo que preocuparse de nada xa que a defensa compostelanista tivo un bo día e o contrario a dianteira azulona.

Na outra parte do campo, Joselu e Martín tiveron un gran número de ocasións para levar ao equipo por un camiño un tanto diferente de cara á segunda metade. Pero ningún dos dous puido superar a Kiko, que tivo unha boa tarde. Ademais, e para completar un primeiro tempo de infortunios, Martín tivo que deixar o terreo de xogo mancado para dar así a ocasión a Jordan de ter os seus primeiros minutos en partido oficial.

Xa no segundo tempo, o As Pontes saiu cunha nova mentalidade. Sabedores de que a victoria podería decantarse de calqueira lado, os azulóns melloraron notablemente e buscaron moito máis a portería de Adrián, aínda que sen demasiada sorte. E nunha destas, nun man a man fóra da área, Adrián derrubou a un rival. Como solución para o colexiado... deixou ao Compos cun menos. 

Aínda con dez sobre o terreo de xogo, a superioridade branquiazul foi total pero o gol que mereceu Joselu durante os noventa minutos reglamentarios non chegou ata o tempo engadido. Gol que chegou tras un erro defensivo que aproveitou o dianteiro de Riveira, foise doutro defensa e superou ao gardameta local para dar tres puntos de ouro ao Compos, que perde o segundo posto polo número de goles a favor que separan a Compos e Celta B. 

ALIÑACIÓN: Adrián; Borja, Castiñeiras, Catú, Jimmy; Mariño, Gonzalo; Jacobo (Álex, min. 65), Louro (Manu Rodríguez, min. 76), Martín (Jordan, min. 40); e Joselu.

CARTÓNS: Amarelo para Manu Rodríguez. Expulsado por cartón vermello directo Adrián.

GOLES: 0-1 91' Joselu.

ESTADIO: O Poboado. 200 espectadores.