O Compos todavía non conseguiu sumar os tres puntos nesta tempada fóra da casa. Pero esta vez todo apunta a que será distinto. O segundo equipo máis goleador da categoría viaxará a Betanzos na busca dos tres puntos que metan ao conxunto compostelán na zona alta da clasificación.
Visita a un estadio onde o anfitrión aínda non puido asinar os tres puntos sumando dous empates ante Órdenes e Barbadás. Sen embargo, o Betanzos si puido co Bergantiños fóra da casa logrando esa única victoria no que vai de Liga. Décimos na táboa con 5 puntos, son un rival que promedian máis dun gol por partido e cunha defensa que encaixou 6 goles nos catro partidos que levamos, catro deles no último partido contra o As Pontes caendo por primeira vez esta campaña por catro goles a dous. Hai que ter en conta a Felipe, máximo goleador do equipo con dous tantos.
Por parte do Compos, o "Bota de Ouro" Joselu intentará manter a súa gran racha goleadora nun encontro no que non poderán estar Jimmy, Diego Peláez nin Nogueira, tres baixas importantes por lesión. En cambio si poderían estar Christian, que non puido xogar ata agora pola falta do seu tránsfer, e Martín, que se perdeu a visita do Villalonga por lesión.
O partido será este domingo ás 17:30h en O Carregal de Betanzos.
Ningún comentario:
Publicar un comentario