O centro do campo de San Lázaro terá un novo dono esta tempada. Renovado Manu Rodríguez e fichados Iván Moya e Manu Moreira, chega Marcos Rodríguez. Procedente do Cartaxena, o centrocampista de Marín de 30 anos formouse nas categorías inferiores do Celta ata chegar a xogar no Celta B na tempada 2006/07. Logroñés CF, Zamora, Lugo Tenerife e Cartaxena completan o historial dun xogador que participou en cinco fases de ascenso a Segunda división co Cartaxena, Celta B, Zamora e Lugo.
Imprescindible para tódolos seus ex adestradores, Marcos suma máis de vinte mil minutos na Segunda B en trece tempadas. Case 350 partidos na categoría de bronce sendo titular en 260 encontros. Uns números que se completan cos 11 goles anotados ata o momento, 79 cartóns amarelos e só 2 vermellos e que só sufriu un descenso a Terceira, en Logroño.
Calidade demostrada e experiencia dun xogador que está preto de lograr as 150 vitorias en liga, así como as 100 derrotas.
Ningún comentario:
Publicar un comentario