Un ollo á promoción

Faltan tres partidos para rematar a tempada e o Compos aínda non está matematicamente clasificado para a promoción de ascenso a Segunda B. Sen embargo, todo fai presaxiar que o equipo santiagués estará nesa loita por voltar á categoría de bronce do fútbol español ben sexa como cuarto ou como terceiro clasificado. 

Antes de nada, a Esedé debe certificar a presenza na fase de ascenso. Hai que sumar 6 dos 9 puntos que restan para non ter que depender de outros, o Pontevedra neste caso para, como mínimo estar. Pero ademais estaría moi ben rematar na terceira praza, aínda que tamén podería ser como segundos se o Celta B, xa clasificado, perde os tres partidos que lle quedan. 

De aquí ao final queda recibir en San Lázaro ao Bergantiños e ao As Pontes, na última xornada, e a visita a Ordes dentro de dúas semanas, partido que podería ser definitivo para lograr o obxectivo e no que non debería faltar ninguén da familia branquiazul. Tamén podería conseguirse antes se o Pontevedra cae ante o Vilalonga, que se xoga a permanencia; o Betanzos ou o Deportivo B na última xornada, partido que pode facer que o Compos remate terceiro, que o Pontevedra estea entre os catro primeiros ou que todo siga como agora.

Xa na promoción, ao Compos agora mesmo xogaría contra o segundo clasificado de outro grupo de Terceira, algo que iría a sorteo. Neste caso o partido de ida xogaríase en San Lázaro mentres que o de volta sería fóra de Galiza.

Agora mesmo o rival sería algún dos seguintes: 

G2 (Asturias): Universidade de Oviedo. 

G3 (Cantabria): Raio Cantabria.

G4 (País Vasco): Arenas Getxo.

G5 (Cataluña): Cornellá.

G6 (Comunidade Valenciana): Elche Ilicitano.

G7 (Comunidade de Madrid): Collado Villalba. 

G8 (Castela e León): Cultural Leonesa.

G9 (Andalucía Oriental e Melilla): El Palo.

G10 (Andalucía Occidental e Ceuta): Córdoba B.

G11 (Illas Baleares): Poblense. 

G12 (Illas Canarias): Atlético Granadilla.

G13 (Murcia): FC Jumilla.

G14 (Extremadura): Don Benito.

G15 (Navarra): San Juan.

G16 (A Rioxa): Alfaro.

G17 (Aragón): Andorra.

G18 (Castela-A Mancha): Conquense.

Estes serían os posibles rivais do Compos na promoción se a tempada rematase hoxe. Pero, ao igual que no grupo de Galiza, nada está definido nos demais. 

A semana que vén, unha nova entrada cos posibles cambios.