O Compos non puido levarse o Trofeo do Concello de Boqueixón en Camporrapado despois de caer ante o Boiro nos penaltis. Un partido onde Yago Iglesias puido dar minutos a todos e no que o once da segunda metade pareceu ser superior a un Boiro con caras coñecidas. Finalmente, despois dun empate a un gol no tempo regulamentario, os do Barbanza conseguiron levarse a vitoria dende os once metros. Cabe destacar que o primeiro gol deste Compos 2016/17 foi obra de Juan Cabrejo.
Catro días despois da derrota en A Fonsagrada, a Esedé entrontouse ante outro equipo dunha categoría superior. Un Boiro que saiu superior ao terreo de xogo e que non precisou moito para poñerse por diante grazas a un golazo de Manu Rodríguez. Un disparo dende case 30 metros directo á escadra e ante o que Manu Cedrón non puido facer nada para evitalo. Un pau cedo e ante o que non se soubo reaccionar antes do descanso,
Durante o primeiro tempo puideron verse cousas moi interesantes. Sobre todo, destaca o nivel co que Martín volveu ao cadro branquiazul sendo un constante perigo pola banda esquerda e protagonizando as mellores ocasións dos nosos.
Mellor cos trocos.
A segunda metade foi moi diferente. O Compos fíxose co manexo do encontro gozando das mellores oportunidades diante de Pato. E foi un vello coñecido da nosa familia tamén o encargado de facer o empate en menos de cinco minutos. Falta perigosa e Cabrejo marca cun disparo raso directo ante o que tanto a defensa coma o porteiro puideron facer algo máis.
Se na primeira metade o nome propio falando do Compos foi Martín, na segunda foi Mitogo. O ex do Barco traballou moito en labores ofensivas baixando ao centro do campo na busca de balóns e tivo nas súas botas as mellores ocasións para evitar a tanda de penaltis.
Dende os once metros, os dous porteiros amosaron un bo nivel. Lucas parou un penalti mentres que Pato fixo o propio en dúas ocasións conseguindo así a primeira vitoria boirense nesta pretempada.
ALIÑACIÓN: Manu Cedrón; Saro, Cardeñosa, Ander, Saúl; Samu, Mon, Alberto; Martín, Juan Rey e Santi.
TAMÉN XOGARON: Martín, Lucas; Óscar Boo, David Rey, Peña, Cabrejo; Ube, Make, Miguel, Tomás, Rubén; Nogueira e Mitogo.
CARTÓNS: -.
GOLES: 1-0 6' Manu Rodríguez, 1-1 49' Cabrejo.
CAMPO: A Silveira, en Camporrapado.
Ningún comentario:
Publicar un comentario