O primeiro clasificado chega a San Lázaro este domingo nun estado de forma case inigualable. Líderes con moita diferenza sobre o segundo, os ferroláns son o mellor equipo de toda a categoría. Case insuperables, só perderon na primeira xornada ante a Arandina; os de Tena suman trece xornadas sen coñecer a derrota e sumando só tres empates. 33 puntos. 26 goles a favor e 11 en contra.
Nada en contra se pode dicir do equipo ferrolán no que vai de tempada. Comezaron cun tropezo inesperado ante un recén ascendido con Manu Rodríguez e Gonzalo no once e dende aí todo foron puntos para o seu casilleiro. Dez vitorias e tres empates ante Izarra na casa e Cultural Leonesa e Tudelano a domicilio.
Se falamos dos xogadores do equipo verde, hai que destacar a dous con pasado branquiazul. Joselu e Diego Peláez, pezas chave no ascenso do Compos á categoría de bronce, voltarán á que foi a súa casa nun gran momento de forma. O de Palmeira é o máximo goleador do equipo e da categoría con 7 tantos mentres que o de Santiago suma dous goles ademais de crear numerosas ocasións e asistencias. Pablo Rey, outra das grandes pezas do Racing, suma tamén dous tantos.
Os dous equipos chegan despois de superar aos seus respectivos rivais a pasada xornada. O Compos gañou ao Celta B grazas aos goles de Dani Hernández e Orbegozo dende os once metros. Pola súa parte, o Racing remontou ante o Lealtad na Malata con goles de Borja Domínguez, Maceira e Joselu respondendo ao gol inicial de Camochu.
Este domingo teremos un derbi histórico. Esta será a novena vez que se vexan as caras en Santiago na Segunda B, sen contar os encontros na Terceira. Nesta categoría, os departamentais só sumaron unha vitoria, a da pasada tempada por 0-3. Dous empates e cinco vitorias entre as que destaca o 4-1 de fai dous anos con Joselu facendo tres goles con Fredi no banco.
Con respecto á tempada pasada, Jimmy poderá estar nun dos encontros máis importantes do ano mentres que Portela e Goti son baixas por lesión e Marcos por sanción. No Racing, Catalá será baixa nos visitantes por lesión.
O encontro será este domingo ás 17 horas en San Lázaro. As entradas para os afeccionados que non sexan socios do Compos mantense ao mesmo prezo (20 euros en Preferencia e 25 en Tribuna) que o resto da tempada mentres que, a diferenza do ano pasado, os socios non terán que pasar por taquilla. Pola súa parte, os afeccionados chegados dende Ferrol estarán situados no Fondo Norte e con entradas a 15 euros por persoa. Quen non poida asistir ao encontro poderá velo en directo pola segunda canle da TVG ou escoitalo a través da 'Esedé Radio', na web oficial do clube, así como seguilo a través do Twitter da Curva Branquiazul.
Además, deixámosvos o cartel da Curva do encontro:
Ningún comentario:
Publicar un comentario