O Somozas ocupa a última posición da táboa despois de sumar unha vitoria en cinco partidos. Tres puntos de quince dun dos equipos máis goleadores da categoría, só superado por cinco equipos e entre os que se atopa o Celta B, que marcou seis ante o Atlético Astorga. Trátase dun equipo que nas tres últimas xornadas fixo sete goles pero, cousas deste deporte, só puido gañar nunha ocasión. Superaron na casa ao Cacereño (3-1) e caeron ante o Tudelano a domicilio (2-1) antes da sorprendente vitoria con moitos goles da pasada fin de semana contra o Lealtad (3-4). En contra, o equipo da Ferrolterra encaixou 10 goles ata o momento. A nivel individual, David Añón é o máximo goleador do equipo con 3 tantos no seu casilleiro.
O Somozas, novo equipo de Diego Rey, visitará San Lázaro por segunda vez na categoría de bronce despois da vitoria branquiazul a pasada tempada. Un precedente na categoría que rematou de forma positiva para os nosos grazas a un gol de Jordan na segunda metade. Un partido un tanto raro xa que o Compos rematou con dez xogadores e Ramón, que estaba no banco de suplentes, tamén expulsado.
Os dous chegarán ao encontro despois de non poder gañar a pasada semana, a pesar de merecelo. A Esedé non puido pasar do empate sen goles en Pasarón ante o Pontevedra. Pola súa parte, o Somozas encaixou unha dura derrota ante o Lealtad. Do 2-0 pasaron ao 2-3 e o encontro rematou cun 3-4 onde as defensas non mostraron un bo nivel deixando moitos ocos.
En canto ás baixas, Iñaki poderá ter a todos excepto Portela. Por contra, Stili non poderá contar con José Varela por sanción despois de ser expulsado a pasada xornada.
O encontro será este domingo ás 17 horas en San Lázaro. Os que non poidan asistir poderán velo en directo a través da segunda canle da TVG.
Ningún comentario:
Publicar un comentario