Esta fin de semana o Compos terá que visitar a un rival adestrado por un dos xogadores históricos da Esedé. Primeira visita a Logroño para loitar polos tres puntos ante o equipo adestrado polo Tato Abadía, xogador branquiazul entre 1993 e 1996 entre Segunda e Primeira división.
Un partido entre dous equipos da zona media da táboa que comparten case os mesmos números. Os dous equipos suman os mesmos puntos, o mesmo número de vitorias, empates e derrotas e, incluso goles a favor. A única diferencia entre o Compos e a SD Logroñés atópase nos goles en contra xa que os rioxanos encaixaron dous goles máis.
O Compos visitará por primeira vez á SD Logroñés na historia, xa que trátase dun equipo fundado fai só catro anos, razón pola que non existen precedentes deste partido. En canto ao que vai de tempada, os pupilos do Tato Abadía descoñecen a derrota en Las Gaunas, onde sumaron oito de doce puntos posibles. Dúas vitorias e dous empates contra equipos que neste momento ocupan a zona baixa da clasificación.
A este partido os dous chegan de forma moi diferente. Os dous xogaron a pasada xornada na casa pero só a SD Logroñés sumou os tres puntos, ante o Caudal por 2-1 con goles de Javi Torres e Ledo. Pola súa parte, o Compos non puido puntuar na visita do Racing de Santander a San Lázaro.
En canto ás baixas, Fredi non poderá contar con Yahvé, Julen, Germán, Jorge Rodríguez nin Diego Rey por lesión e Jimmy por sanción. Pola súa parte, o Tato Abadía non poderá contar con Jorge Herreros, Jesús Yécora, Iván Salazar, Fran Sota nin David Olavarrieta, todos por lesión.
O partido será este domingo ás 17 horas no campo de Las Gaunas.
Ningún comentario:
Publicar un comentario