Un ano máis, o Compos estará este verán en Pontevea. O primeiro amigable confirmado, como xa ven sendo habitual, foi o triangular que se xogará neste mes de xullo no Campo de Reis, no concello de Teo. Un torneo que chega este ano á súa novena edición e que contará con equipos importantes da talla de Compos ou Arosa, da Terceira división, ademais do Coruxo, da Segunda B.
O cadro de Yago Iglesias, agora mesmo con 15 xogadores confirmados, terá unha tan dura como fermosa cita o 28 deste mes de xullo en Pontevea. O triangular organizado polo Praíña e que contará con dous equipos da parte alta da clasificación da Terceira e un da categoría de bronce, será a cuarta ocasión na que vexa aos nosos en acción, terceira de xeito consecutivo.
Foi no 2012 cando se puido ver aos nosos sobre o terreo de xogo do Campo de Reis por primeira vez, nun triangular fronte a Pontevedra e Fabril no que os nosos non puideron facer máis que sacar dous empates. Invitados en 2015, a Copa Deputación fixo que non houbera datas dispoñibles para os nosos mentres que no 2016, Somozas e Coruxo foron os rivais con empate fronte aos primeiros e derrota contra os vigueses. E o pasado verán, Céltiga e Cerceda foron os rivais dun Compos que se desfixo de ámbolos dous equipos con dous goles por partido e Sobrido amosando a súa capacidade de cara a gol con dous tantos.
Con respecto a esta edición, só se coñece a data, sábado 28 de xullo, mais aínda non se sabe nin o horario de comezo nin a orde dos encontros, así como o prezo das entradas.
Ningún comentario:
Publicar un comentario