Santi Taboada é de novo xogador do Compos despois de dúas tempadas. O vitoriano chega procedente do Depor B, onde xogou as dúas últimas tempadas e reforza dúas posicións, perfil de xogador que desexaba Yago Iglesias. Un central que pode xogar de pivote defensivo e que apunta a ser un fixo ás ordes do novo adestrador. Ademais, recordemos que xa pasou polas filas da Esedé no retorno á Segunda B ás ordes de Fredi, na 2013/14.
Nos últimos días soaba o nome de Iago, central tamén do Fabril e agora sen equipo, pero finalmente é o seu compañeiro Santi Taboada o que deixa A Coruña camiño de Santiago. Un xogador formado nas categorías inferiores do Real Madrid, que pasou polas filas do filial do Alavés antes de chegar por primeira vez ao Compos, na Segunda B da man de Fredi.
Na súa primeira etapa na Esedé, xogou 21 partidos, 16 deles coma titular. Esa tempada abriulle as portas do filial deportivista só un ano despois. Na Terceira convertiuse nun seguro nas filas do Fabril superando os 1.300 minutos na primeira tempada e os 2.000 na segunda xogando un partido tamén na promoción de ascenso.
Con el xa son 17 xogadores que comezarán a adestrar ás ordes de Yago Iglesias o luns, ademais dos 4 do Xuvenil A que estarán a proba.
Novo partido de pretempada.
Aos xa coñecidos, hai que sumar un novo partido de pretempada, que será o primeiro onde se poderán ver aos novos xogadores. Será con só dous días de adestramentos en Fonsagrada ante o CD Lugo, rival por segundo verán consecutivo despois dos dous encontros do ano pasado.
Novo partido de pretempada.
Aos xa coñecidos, hai que sumar un novo partido de pretempada, que será o primeiro onde se poderán ver aos novos xogadores. Será con só dous días de adestramentos en Fonsagrada ante o CD Lugo, rival por segundo verán consecutivo despois dos dous encontros do ano pasado.
Ningún comentario:
Publicar un comentario