Adrián Laureda é a última incorporación da Esedé neste mercado de verán. Porteiro con experiencia en Segunda B, onde xogou case toda a súa carreira. Coruñés de 29 anos procedente do Pontevedra e formado nas categorías inferiores do Lugo, onde debutou en 2002 en Segunda B. Ademais pasou por equipos coma a Gramanet, o Benidorm, o Jaén e o Racing de Ferrol, equipo ao que se enfrontará esta tempada pero vestindo as cores do Compos.
Para o posto terá un difícil competidor como é Christian. O mellor porteiro da Preferente sur o pasado ano contra outro con experiencia e que terán que gañarse o posto en cada adestramento. Pero sen dúbida a portería branquiazul estará ben defendida un ano máis.
Ningún comentario:
Publicar un comentario