A directiva segue traballando para pechar a plantilla branquiazul a falta de dúas semanas para o comezo da tempada. De momento o clube pechou a chegada de catro xogadores máis. O dianteiro Diego Rey, o centrocampista Óscar Fondevila e os defensas Jorge Rodríguez e Jesús Varela estarán esta tempada baixo o mando de Fredi Álvarez.
Óscar Fondevila é un centrocampista ofensivo de 23 anos chegado do Xetafe B. Vigués de nacemento, militou nas filas do Celta B, onde comezou a súa carreira deportiva; Coruxo e do filial azulón antes de recalar no Compos, onde xa se estreou ante o Grixoa en Santa Isabel.
Diego Rey é un dianteiro de 21 anos que marabillou no seu paso polo Somozas, onde militou a última campaña. Xogador de banda que pasou polas filas do CD Lugo, onde naceu como futbolista, e Estradense e Somozas en Terceira. Na pasada tempada xogou 34 partidos e anotou 6 goles.
Jesús Varela chegará para ser o substituto natural de Borja Facal, agora mesmo mancado e que perderá o comezo do campionato así coma o final da pretempada. 27 anos, con experiencia na categoría de bronce onde xa xogou co Celta B, Cidade de Santiago, Racing, Montañeros e Coruxo. Sen embargo, procede do Racing de Ferrol, onde xogou a segunda metade do campionato logrando o ascenso a Segunda B.
E Jorge Rodríguez podería ser o seguinte en chegar a San Lázaro. Central ceense de 33 anos cunha longa experiencia en categorías nacionais debutando incluso en Primeira división co Celta na tempada 2002/03. Formado nas categorías inferiores do equipo celeste, xogou case toda a súa carreira en Segunda B. A parte de xogar no filial vigués, pasou por Mérida, Ourense, Zamora, Pontevedra, Oviedo e Avilés, equipo do que chegaría e tivo minutos en Segunda división no seu paso polo Racing de Ferrol fai xa oito tempadas.
Coa chegada do central, o clube pecha o cupo de xogadores maiores de 23 anos, algo que non permite a renovación de Tachi polo menos ata mediada a tempada, cando o de Boiro podería rematar coa súa recuperación.
Ningún comentario:
Publicar un comentario